skip to main |
skip to sidebar
వరుడు కావలెను
కావలెను
మా సుకుమారి టిన్నుకి వరుడు కావలెను
ఎత్తుకున్న చెవులు
జారుతున్న జూలు ఉన్న వరుడు కావలెను
రెంటి కాలి నడక
దించుకున్న తోక ఉన్న వరుడు కావలెను
రుచికరమైన వంట
రోడ్డు మీది పెం.. కోరని వరుడు కావలెను
కట్నం మీద మోజు
గుమ్మం ఎదురుగ పోజు లేని వరుడు కావలెను
కాని కుక్క బతుకు కాజాలదు.
గొడుగు
నా నెత్తి మీద టపా టపా
తెరిస్తే నీ నెత్తి మీద టపీ టపీ
కాని ఆ చివ్వరున్న చిల్లులోంచి
నా భుజం మీద టపూ టపూ
కింద అడుగేస్తే టపె టపె
విదురు గాలికి నువ్వు టపం టపం
మీద బట్టలన్నీ టపుష్ టపుష్
మళ్ళీ నా నెత్తి మీద టపా టపా
కాలం
ఓ కాలమా నీవెంత కఠినం
పొతే రావు, వస్తే ఆగవు
అవసరాన నిలువవు
వేదనలో కదలవు
ఏ క్షణాన్ని విడువవు
మరు క్షణాన్ని ఆపవు
నీలో మార్పు సహజమా
అది కేవలం చూపుల మర్మమా
నీతో నవ్వమందువా
ఏడుపు తప్పదందువా
నిన్ను విడిచి వెళ్ళినా
మా పిల్లలిని సాకకుందువా
శుభోదయం-4
నా ప్రాణములో ప్రాణమై
ఇన్నేళ్ళుగా నాలో జీవమై
తెల్లారిందని తెలిపి
నీ నవ్వులతో నన్నూపి
గల గలమంటున్న కప్పులో
కాఫీ పరిమళాల విరిజల్లులో
నిద్ర లేవమంటున్నావా ప్రేయసి
ఆదివారాలు చూడరాదే నన్నొగ్గేసి
