కదలిరా నేస్తమా
(కే సెర సెర పాట రాగంలో...)

నీ కోసం ఎంత సేపని
ఎదురు చూడాలి ఈ రోజు
సమయం ఆగేదాకా
నిన్ను మరిచేదాకా
మబ్బులు వీడేదాకా? ఎందాక?
కదలిరా నేస్తమా
నీ ఆలోచన నా స్వంతమా
వేచియున్న నీ మిత్రమా

ఈ మెత్తని పరుపులను మల్లెలతో
పరచివుంచాను ఈ వేళ
నీ కోసం చూసి
గంధం రాసేసి
వేచియుంది నీ రాశి

కదలిరా నేస్తమా...

విడచిన మబ్బుల వెన్నెల
నీ రాకను తెలిపింది
ఇది గాలిలో తేలిన క్షణమా
పాడిన కోయిల స్వరమా
మనసులు కలిపిన కావ్యమా

కదలిరా నేస్తమా...