అలుక (కవిత)

నీవు పలుకక ఈ నిశ్శబ్ధం, నీ మనసు తెలియని అయోమయం
నీ కొరికిన పెదవికి అర్ధం కానివ్వద్దు నాకనర్ధం
నీవు కానరాని చీకటి, నీ మాటలు లేక ఆధోగతి
నీవు చెంత లేని వెలితి, చేలియించే సతి వీడిన నా మతి
కనిపించదీ కల్లోలం, గాంచిన మిత్రుల కీ సోకం
సీత రాముల కల్యాణం, కాకపోవచ్చు మనకు ఆదర్శం
బంధు మిత్రుల సందేశం, గాలికి నిలువని దీపం

గుడిలో మోగిన గణ నాదం, నీ రాకకు సూచనా సమయం
కోయిల పాడిన స్వాగతం, తెరిచిన తలుపుల సంకేతం
నీ రాకను తెచ్చిన నిమిషం, కురిపించెను పూల వర్షం
నీ నవ్విన పెదవికి అర్ధం కానివ్వు సాయంకాలపు కావ్యం