వద్దబ్బీ... కావాలమ్మీ...
(పరుగు సినిమాలో ఎలగెలగా పాట రాగంలో...)

అబ్బీ, నువ్వెందుకు నా వెంట వస్తావు
సాగే నా దోవలో నువ్వడ్డుపడతావు
వద్దన్నా పాడు గోల ఎందుకు పెడతావు
చూసే నలుగురిలో నవ్వుల పాలు చేస్తావు

అమ్మీ, నీ చూపులే నాకు గుచ్చుకున్నాయి
విసిరే నీ నవ్వులే సంకెళ్ళు వేశాయి
ఊగే నీ నడుమే నన్ను తట్టి లేపింది
కొరికే నీ పెదవే మది కితకిత పెట్టింది

అబ్బీ, ఆలస్యం అయితె అమ్మ తిడుతుంది
విషయం నాన్నకు తెలిస్తే తాడు తెగుతుంది
ప్రేమ దోమ అంటే ఊరుకుంటారా
గదిలో తాళం పెట్టి తన్నకుంటారా

అమ్మీ, ఇంటికి వచ్చి కాకా పడతాను
అవసరమైతే కాలాన్ని ఆపి వేస్తాను
తాళమేసిన గదికి నే వెంటనే వస్తాను
ముడిపడివున్న మదితో నే తలుపులు తీస్తాను