ఊరెళ్తే ఎలా?

అతడు ఊరెళ్ళాడని కోపమా
వంటరిగా ఉన్నావని తాపమా

నిదరే కుదరదని కోపమా
ఈ నిద్దట్లో తాకడని తాపమా

పొద్దున కాఫీ రాదని కోపమా
ఇక పొద్దు ఎరుగుదువని తాపమా

సంగతేంటో తెలియక కోపమా
సందిట్లో లేడేనని తాపమా

ప్రశ్నకు బదులేదని కోపమా
బదులుకి అసలేదని తాపమా

ఊరందరికీ పండగని కోపమా
నీ పండక్కి పండేదని తాపమా

వీణెవరు మీటుతారని కోపమా
మీటే వీణ లేదని తాపమా

అందాలు చూసేదెవరని కోపమా
దోచే చూపులేవని తాపమా

ఇంకా రేపు రాలేదని కోపమా
ఈ రోజు గడిచేదెలానని తాపమా