బద్ధకపు పెళ్ళాం (వద్దు బాబు...)

ఎక్కడ వేసిన గొంగళి
అక్కడే విడచిన సొగసరి
ఇల్లంతా పీకిన పందిరి
సర్ధలేక పోతున్న వూపిరి

వాకిట ముందర ధూళి
ఇంట్లో పప్పులు ఖాళి
నట్టింట్లో కూడా చెప్పులా?
నిద్దట్లోనన్నా వదలాలి

నిండిన పోపుల డబ్బా
ఎప్పుడు చూశానబ్బా!
పడక గదిలో కూడా గబ్బా
ఇది స్నానం చూడని సబ్బా!

నా పేరు సుందరవదన
అయ్యిందది సుందు నీ వలన
నాకే బద్ధకముంటే
వరాహలక్ష్మి నీ గతేంటే!