చీర (పాడిన పాట...)

నడుమును చుట్టుకోనా, మనసుని హత్తుకోనా
ఆల్లరి మానుకోనా, పిన్నులు గుచ్చుకోనా
గంజిని పుచ్చుకోనా, వానకి గొడుగు కానా
ఎండకు నీడనీనా, రాతిరి విడిచిపోనా

గిన్నెలు వేడి కాన, వాటిని దించి పోనా
కన్నీళ్లు కారుతున్న, వెంటనె తుడవ లేనా
వానలు వరదలైన, పైపైకి కదలలేనా
కూరల సంచి లేన, ముడేస్తే మూటకానా

అందాలు చూపలేనా, బంధాలు కలపలేనా
పంఖాలు లేకపోయిన, బదులుగ గాలినీనా
పిల్లలు భోంచేస్తే, మూతులు తుడిచి పోనా
కాలికి దెబ్బలైన, కట్లన్నీ కట్టిపోనా
అలిగితే భార్యకైన, కంచిపట్టు చీర కానా?