పెద్దలిచ్చిన ఆస్తి

వద్దన్నా పెరిగే వయసు
రాలుతున్న జుట్టని తెలుసు
ఒకప్పుడు నువ్వూ పదహారు
అది వత్తులువత్తులుగా జారు
ఆ చిక్కు ముడి విప్పే రోజులేమయినాయి
చిక్కే అందని వెంట్రుకలు కరువయినాయి

పోనీ నూనె రాయడం మరిచావా?
లేక ఎండన బాగా నడిచావా?
దువ్వెనలతిగా వాడావా?
బదులుగ దిగుళ్ళు చెందావా?

కాదు...
మీ తాతకు జుట్టే లేదు
మీ వాళ్ళది గుండుల గూడు
ఇంకా తెలియక పోతే
ఓ సారి పాత ఫొటోలు చూడు